Na Koi Teer Na Koi Kamaan Baqi Hai , نہ کوئی تیر نہ کوئی کمان باقی ہے

Na Koi Teer Na Koi Kamaan Baqi Hai

Magar Woh Ik Ngh Meharban Baqi Hai

Ura Ke Le Gayeen Hijrat Ki Aandhiyan Sab Kuch

Bas –Apne Sir Pay Khula Aasman Baqi Hai

Ik Aur Teer Chala Apna Ehad Poora Kar

Abhi Parinday Mein Thori Si Jaan Baqi Hai

Fiza Mein Goonj Rahi Hai Sadaye Mazlomanh

Zuba Khmosh Hai Lekin Bayan Baqi Hai

Mita Saka Nah Kabhi Waqt Ka Gubhar Usay

Faseel Shab Pay Lahoo Ka Nishaan Baqi Hai

Hamaray Shehar Pay Viraniyan Musallat Hain

Maken To Koi Nahi Hai Makaan Baqi Hai

Nafs Nafs Hai Wohi Aazmayshon Ka Safar

Qadam Qadam Pay Wohi Imthehaan Baqi Hai

Misl Yeh Sach Hai Ke Rassi Ke Bil Nahi Jatay

Akhar Chuki Hai Sun-Hwa Aan Baan Baqi Hai

Ataa Hui Hai Hamein Aisi Jurrat Parwaaz

Ke Par Shakista Hain Lekin Udaan Baqi Hai

Kisi Kinare Laga Day Gi Meharban Sun-Hwa

Shakista Nao Sahi Badbaan Baqi Hai

Dua Ke Haath Bhi Shall Ho Gaye Magar Ae Naaz

Wohi Zameen Wohi Aasman Baqi Hai

________________________

نہ کوئی تیر نہ کوئی کمان باقی ہے

مگر وہ اک نگہ مہربان باقی ہے

اڑا کے لے گئیں ہجرت کی آندھیاں سب کچھ

بس اپنے سر پہ کھلا آسمان باقی ہے

اک اور تیر چلا اپنا عہد پورا کر

ابھی پرندے میں تھوڑی سی جان باقی ہے

فضا میں گونج رہی ہے صدائے مظلوماں

زباں خموش ہے لیکن بیان باقی ہے

مٹا سکا نہ کبھی وقت کا غبار اسے

فصیل شب پہ لہو کا نشان باقی ہے

ہمارے شہر پہ ویرانیاں مسلط ہیں

مکیں تو کوئی نہیں ہے مکان باقی ہے

نفس نفس ہے وہی آزمائشوں کا سفر

قدم قدم پہ وہی امتحان باقی ہے

مثل یہ سچ ہے کہ رسی کے بل نہیں جاتے

اکھڑ چکی ہے ہوا آن بان باقی ہے

عطا ہوئی ہے ہمیں ایسی جرأت پرواز

کہ پر شکستہ ہیں لیکن اڑان باقی ہے

کسی کنارے لگا دے گی مہربان ہوا

شکستہ ناؤ سہی بادبان باقی ہے

دعا کے ہاتھ بھی شل ہو گئے مگر اے نازؔ

وہی زمین وہی آسمان باقی ہے